Ole Jørgen ba om julegåver til sjøfolk til havs i jula

Han tok kontakt med Sjømannskyrkja og spurte om det framleis var ei slik ordning med julegåver til sjøfolk som feirer jul til sjøs. 

"I dag er det ikkje så mange som spør etter julegåver, og det er veldig få som sender," seier Eva Kristin Dale Wessman. Ho er ein del av Norgesarbeidet

Tankaren Ole Jørgen arbeider på vil ligge å duppe i Nordsjøen når me andre feirer jul heime. Det er då rundt 27 sjøfolk får julegåve av strikkevillige frå Haugaland

"Det var to damer i regionrådet for Stavanger og Haugaland som fekk utfordringa då førespurnaden kom frå overstyrmann Pedersen," seier Wessman.

Når 29-åringen leverer gåvene ombord på motortankaren fredag 1. desember er det ingen som veit kva han kjem med. Han gler seg difor til dei vert delt ut på julaften om vél ein månad.

"Det er hemmeleg for alle utanom kapteinen, altså han som går av vakt når eg kjem på," seier Pedersen og smiler lurt.

På hovedkontoret venta det tre fulle posar med julegåver frå strikkevillige givarar. Korkje Ole Jørgen eller Eva Kristin hadde rekna med så mange julegåver.

"Me spurte regionrådet om dei kunne laga 30 julegåver, men det me fekk var mykje meir," seier Eva Kristin og smiler.

På sjølve julaften mottar ei rekke sjøfolk frå ei rekke land ombord på MT Frida Knutsen julegåver i form av strikkesokkar og sjokolade.
"Her er det alt mogleg," seier ei engasjert Eva Kristin.
Ho fortel at det ikkje var vanskelig i det heile å få tak i folk som kunne jobbe dugnad for julegåvesaka. "Desse to damene klarte å skaffa mange som leverte," seier Eva Kristin.

"Mange starta opp med strikkinga med ei gong dei vart spurt. Dette var ei svært kjekk oppgåve å få," seier Sissel M. Sveinsson og Inger Elise Kolstø frå regionrådet i Stavanger og Haugaland.

Dei to er glade så mange tromla samen strikkepinnane og sette i gang å laga julegåver.

Ole Jørgen tykkjer han fekk god respons då han ba Sjømannskyrkja om dei hadde lyst å hjelpa til med å skaffa julegåver til sjøfolka på båten han arbeider på. "Det er mange som tykkjer jula er tung å jobbe seg gjennom. Nokon kan ha fått eit born, og må reisa ut rett etter fødselen. Ei slik gåve kan bety mykje for mange," sier Ole Jørgen.

Sjølv har han vore til sjøs på julaften dei siste sju åra. Han er vant til å feire høgtida på gyngande grunn.
"Eg fortalte dette til bestefar min, som sjølv arbeidde på havet i mange år. Han hugser godt då han fekk gåve gjennom Sjømannskyrkja for mange år sidan," fortel Ole Jørgen Nygård Pedersen.